استجمع افكاري في الدنيا واركّبها سروج
وأشرب قراح الما واذا فكرت احس انه هماج
الادمي من شان جمع الرزق يطويها فجوج
واخر حياته يصرف اللي يجمعه لجل العلاج
كم من بشر في هذي الدنيا على اقدامه يدوج
مرة تجيبه صايبه وامرار تغديبه عواج
لوترشدة درب الصواب البعض في وجهك يهوج
والبعض الاخر لانصحته قال..مديها صناج
ومهما حصل البعض مثل النهر لايمكن يموج
وبعضهم مثل البحر لازادت النسمات هاج
خلك على النهج الوسط نهج الوسط خيرالنهوج
واسجد لربك وأعبده وحج مع من كان حاج
وتذكر ان العمر بالدنيا بيتلاه الخروج
وفي سجودك ادع ربك قول يالله الخراج
راحل من الدنيا ولو حصنت عمرك في بروج
حياتنا شبهتها في وصفها شعلة سراج
تسلم ايدك يا ابو مجاهد
